Bakı. Trend:
Fransa prezidenti Emmanuel Makron Ukraynada sülhlə bağlı Rusiya liderləri ilə danışıqlarda Avropanın nümayəndəsi ola bilər.
Trend-in məlumatına görə, bu barədə Böyük Britaniyanın “The Daily Telegraph” qəzeti Yelisey sarayındakı mənbəyə istinadən xəbər verir.
Məlumata əsasən, Fransa prezidenti "vaxtı gələndə" bu rolu üzərinə götürməyə hazır olacaq, lakin mənbə bunun üçün vaxtın hələ gəlmədiyini vurğulayıb.
Bildirilib ki, E.Makronu bu addımı atmağa “istəklilər koalisiyasının” digər üzvləri təşviq edir. Qeyd edilib ki, o, bundan əvvəl Rusiya prezidenti Vladimir Putinlə yaxın təmasda olub.