Bakı. Trend:
Hindistanın paytaxtı Nyu-Dehlidə baş verən bina uçqunu faciə ilə nəticələnib – azı 11 nəfər həlak olub, daha 5 nəfər isə xəsarət alıb.
Trend-in yerli “NDTV” telekanalına istinadla verdiyi məlumata görə, xəsarət alanlar xəstəxanaya yerləşdirilsə də, onların vəziyyəti barədə hələlik rəsmi açıqlama verilməyib.
Hadisə yerində aparılan axtarış-xilasetmə işləri nəticəsində dağıntılar altından 11 nəfər sağ olaraq çıxarılıb.
İlkin araşdırmalara əsasən, binanın təhlükəsizlik qaydaları pozularaq inşa edildiyi müəyyən edilib. Hadisənin səbəbləri ilə bağlı istintaq davam edir.