Bakı. Trend:
Vaşinqton Ukraynada baş verənlərdən bezib.
Trend xarici KİV-lərə istinadən xəbər verir ki, bunu ABŞ prezidentinin Ukrayna üzrə xüsusi səfiri Kit Kelloq bildirib.
Kelloqun sözlərinə görə, ABŞ prezidenti Donald Tramp və dövlət katibi Marko Rubionun bu yaxınlarda ölkənin Ukrayna münaqişəsinin nizamlanması ilə bağlı danışıqlar prosesini tərk etməyinin mümkünlüyü barədə söylədikləri nə qədər sərt səslənsələr də, bu belə də olmalı idi.
“Biz orada baş verənlərdən bezmişik. Dünyada ABŞ-nin həlli prosesində iştirak etdiyi çoxlu başqa problemlər də var. Bu müharibə çox uzun sürür”, - Kelloq bildirib.