Bakı. Trend:
Çin Xalq Respublikasının Maliyyə Nazirliyinin məlumatına görə, ölkənin yerli hökumətləri 2024-cü ilin əvvəlindən indiyədək ümumilikdə 1,24 trilyon yuan (təxminən 172 milyard dollar) həcmində yeni istiqraz buraxıblar.
Trend xəbər verir ki, bu məbləğin əsas hissəsini – 960,3 milyard yuanı (təxminən 131,8 milyard dollar) xüsusi istiqrazlar, 279,1 milyard yuanını isə adi istiqrazlar təşkil edir.
Xatırladaq ki, 2023-cü ilin sonuna olan məlumata əsasən, Çində “gizli borclar” kimi tanınan borcların ümumi həcmi 14,3 trilyon yuana (təxminən 2 trilyon dollar) çatmışdı. Bu kontekstdə Çin hökuməti 2024-cü ildə bu borc böhranını yumşaltmaq məqsədilə 10 trilyon yuan (təxminən 1,4 trilyon dollar) həcmində dəstək proqramı açıqlayıb.
Bundan əlavə, 2025-ci ilin martında Maliyyə Nazirliyi iri dövlət kommersiya banklarını dəstəkləmək üçün 500 milyard yuan (təxminən 69,7 milyard dollar) dəyərində xüsusi xəzinə istiqrazlarının buraxıldığını bəyan etmişdi.