Bakı. Trend:
ABŞ Prezidenti Donald Tramp Hindistanın Pakistana zərbələrini "rüsvayçılıq" adlandırıb.
Trend xəbər verir ki, o, silahlı gərginliyin tezliklə başa çatacağına ümid edir.
"Təəssüf. Onlar onilliklərdir - əsrlər boyu mübarizə aparırlar. Ümid edirəm ki, bu, tez bitəcək", - deyə Tramp bildirib.
Qeyd edək ki, Hindistan Pakistanın üç şəhərinə raket zərbələri endirib. Hindistan ordusunun hədəfi Pəncab əyalətinin Bahavalpur və Azad Kəşmirin iki şəhəri - Kotli və Müzəffərabad olub.