Bakı. Trend:
Mayın 12-si günün sonuna qədər Ukraynada atəşkəs əldə olunmasa, Almaniya hökuməti avropalı tərəfdaşları ilə əlaqələndirilmiş şəkildə Rusiyaya qarşı əlavə sanksiyaların hazırlığına başlayacaq.
Trend xarici KİV-lərə xəbər verir ki, bunu Almaniya nazirlər kabinetinin rəsmi nümayəndəsi Ştefan Kornelius bildirib.
“Vaxt gedir, bu vaxt ərzində atəşkəs əldə olunmasa, Avropa tərəfi sanksiyaların hazırlığına başlayacaq”, - deyə Kornelius bildirib.
Onun sözlərinə görə, “dedlayn” başa çatandan sonra siyasi müşavirlər səviyyəsində sanskiya ölçülərinə hazırlıq işlərinə başlanılacaq.
“Biz paralel olaraq Brüsseldə 17-ci sanksiyalar paketini hazırlayırıq”, – deyə Kornelius vurğulayıb.