Bakı. Trend:
Suriyanın Ləzkiyə bölgəsində meşəlik ərazidə baş verən yanğın, Türkiyənin cənub sərhədində yerləşən Hatayın Yayladağı rayonuna keçib.
Bu barədə Trend Türkiyə KİV-ə istinadla xəbər verir.
Günlərlə davam edən yanğın səbəbindən Yayladağı rayonu qatı tüstü bürüyüb. Sərhəd xətti boyunca davam edən və zaman-zaman Türkiyə tərəfinə keçən alovlara hal-hazırda müdaxilə edilməkdədir. Hadisə yerinə 180 texnika və 800 nəfər yanğınsöndürən səfərbər olunub.