Bakı. Trend:
Vaşinqtonun avqustun 1-də planlaşdırdığı oxşar addımlarına cavab olaraq Avropa ölkələri ABŞ mallarına idxal rüsumları tətbiq etməyəcək.
Trend xəbər verir ki, bu barədə ABŞ-nin ticarət naziri Hovard Latnik CBS telekanalının efirində bildirib.
O deyib: “Bu gün ticarət danışıqlarında Aİ nümayəndələri ilə telefonla danışdım. Tərəflərin razılığa gəlməsi üçün kifayət qədər imkanlar var.”
Nazir tərəflərin gec-tez bu məsələni həll edəcəyinə əmindir. Eyni zamanda Latnik ABŞ-nin avqustun 1-dən Avropa mallarına gömrük rüsumları tətbiq etmək planlarından vaz keçməyəcəyini bildirib. Bununla belə, tərəflər bu müddətdən sonra danışıqları davam etdirə bilərlər.