Bakı. Trend:
"BMW" Şimali Amerikada, o cümlədən Amerika Birləşmiş Ştatlarında yanma riski ilə əlaqədar 200 minə yaxın avtomobilini geri çağırır.
Trend bu barədə xarici KİV-ə istinadən xəbər verir.
ABŞ-nin Milli Avtomobill Yollarında Nəqliyyatın Təhlükəsizliyi Administrasiyası "BMW" bəzi modellərinin mühərrik starterinin relesinin korroziya səbəbilə həddən artıq qızışdığını v qısa qapanmaya səbəb olduğunu müəyyən edib.
Amerikalı federal tənzimləyiciyə görə bu,avtomobildə yanğın riskini artıra bilər.
Geri çağırılma 2019-2022-ci illər ərzində istehsal olunmuş aşağıdakı modellərə şamil olunur:
BMW 330i; (2019-2021)
BMW Z4; (2019 – 2022)
BMW 530i, X3 və X4; (2020 -2022)
BMW 430i , 430i (kabriolet) ; (2021-2022)
BMW 230i; (2022)