Bakı. Trend
Fransa prezidenti Emmanuel Makron istefa çağırışlarına baxmayaraq tutduğu vəzifədən getməkdən imtina edib və və ölkənin sabitliyinin təmin olunması məqsədilə vəzifələrinin icrasına davam edəcəyini söyləyib.
Trend bu barədə Fransa KİV-ə istinadən xəbər verir.
“Heç vaxt unutmayın ki, fransız xalqının verdiyi mandat, xidmət etmək, xidmət etmək və yenə xidmət etmək üçün, sadə Fransa vətəndaşların suallarını cavablandırmaq üçün və Fransanın müstəqilliyi naminə mümkün olan hər şeyi etmək üçün verilir”,-deyə Makron bildirib.
Onun sözlərinə görə, Fransada yaşanan siyasi böhrana görə məsuliyyəti məhz ölkə müxalifəti, konkret olaraq isə Fransua Bayrunun hökümətinə etimadsızlıq votumu verənlər daşıyır.