Bakı. Trend:
Malayziya Qran-prisi (Moto3) öncəsi “Sepang” avtodromunda ciddi qəza hadisəsi baş verib.
Trend xəbər verir ki, mövsümü erkən çempion kimi başa vurmuş ispaniyalı Xose Antonio Rueda hazırlıq dövründə yüksək sürətlə isveçrəli Noah Dettvillerin motosikleti ilə toqquşub.
Qəza nəticəsində Dettvillerin motosikleti havaya qalxıb və hər iki sürücü asfalt üzərinə düşüb. Onlar təcili xəstəxanaya yerləşdiriliblər.
Qeyd olunub ki, pilotların vəziyyəti sabit qiymətləndirilir, lakin onlar yarışda iştirak edə bilməyəcəklər.