Bakı. Trend:
Fransanın keçmiş prezidenti (2012-2017) Fransua Ollandın Parisdəki mənzilinə oğrular girib.
Trend-in məlumatına görə, bu barədə "BFMTV" televiziya kanalı xəbər verib.
Hadisə 22 noyabrda baş verib. Oğurlanan əşyaların tam siyahısı mövcud deyil, lakin keçmiş prezidentin saatının onların arasında olduğu məlumdur. Keçmiş dövlət başçısının ətrafı jurnalistlərə bildirib ki, polis müdaxiləsi sayəsində "ciddi nəticələrin qarşısı alınıb".
Oğrular törədilən cinayətdən təxminən bir həftə sonra tutulublar. Oğurlanan saat axtarış zamanı tapılıb və Ollanda qaytarılıb. Əslən Əlcəzairdən olan hər iki şəxsə qarşı ittiham irəli sürülüb.