Bakı. Trend:
Bolqarıstanın Kyustendil şəhərindən Sofiyaya gedən sərnişin qatarı torpaq sürüşməsi nəticəsində relslərə düşən qayalara çırpılaraq relsdən çıxıb.
Trend-in məlumatına görə, bu barədə Bolqarıstan Milli Televiziyası xəbər verib.
Məlumata əsasən, hadisə yerli vaxtla saat 17:00 radələrində güclü yağış zamanı torpaq və qaya kütləsi dəmir yolunun üzərinə düşərkən baş verib. Xəsarət alan olmayıb.
Ərazidə təcili yardım briqadaları işləyir. Xəttdə nəqliyyatın hərəkəti müvəqqəti olaraq dayandırılıb.