Bakı. Trend:
Kamboca hakimiyyəti ölkənin cənubundakı Bavet şəhərində iri fırıldaqçı çağrı mərkəzində keçirilən reyd nəticəsində 2 044 əcnəbini saxlayıb.
Trend xəbər verir ki, bu barədə yerli "Khmer Times" qəzeti məlumat yayıb.
Nəşrin yazdığına görə, əməliyyat nəticəsində 22 bina və tikilidən ibarət "Van Cheung" kazino kompleksində fəaliyyət göstərən fırıldaqçı zəng mərkəzi dayandırılıb və mərkəzin 2 044 əcnəbi işçisi saxlanılıb.
Əməliyyata 700-dən çox polis əməkdaşı cəlb olunub. Saxlanılanlar arasında səkkiz müxtəlif Asiya ölkəsinin vətəndaşları var, lakin çoxluq Çin vətəndaşlarından (1 792 nəfər) ibarətdir.