Bakı. Trend:
ABŞ Prezidentinin xüsusi elçisi Stiven Uitkoff İsrailin baş naziri Benyamin Netanyahu və ölkənin hərbi rəhbərliyi ilə danışıqlar aparmaq üçün İsrailə səfər edəcək.
Trend bu barədə xarici KİV-ə istinadən xəbər verir.
Məlumata görə, Uitkoffun İsrailə səfəri fevralın 3-nə planlaşdırılıb.
2025-ci il oktyabrın 9-da İsrail və HƏMAS Qəzza zolağında münaqişənin sülh yolu ilə həllinin birinci mərhələsinə dair razılaşmalar imzalayıblar. Oktyabrın 13-də Donald Tramp İsrail parlamentində çıxış edərək Qəzzada münaqişənin başa çatdığını elan edib.
2026-cı ilin yanvarında isə ABŞ prezidenti Donald Trampın xüsusi nümayəndəsi Stiven Uitkoff Qəzzada nizamlanma ilə bağlı Trampın planının ikinci mərhələsinin başladığını bəyan edib. Bu mərhələ HƏMAS-ın tərksilah edilməsini və Qəzza Sektorunun hərbisizləşdirilməsini nəzərdə tutur.