Bakı. Trend:
Çilinin paytaxtı Santiyaqo şəhərində ağır yol qəzası baş verib.
Trend xarici KİV-ə istinadən xəbər verir ki, maye qaz daşiyan avtosisternin qəzaya uğraması nəticəsində güclü partlayış və yanğın baş verib.
Məlumata görə, hadisə nəticəsində azı 3 nəfər həlak olub, daha 10 nəfər yaralanıb. Avtosisternin sürücüsü sükana nəzarəti itirərək avtomobili bardyura çırpıb.
Qəza və ardınca baş verən partlayışdan 7 minik avtomobilinə ziyan dəyib.