Azərbaycan, Bakı, 19 iyun /Trend, müxbir Ənvər Məmmədov/
Azərbaycan idmançısı Olqa Senyuk I Avropa Oyunları çərçivəsində kamandan oxatma üzrə fərdi yarışlarda 1/16 mərhələsinə yüksəlib.
Trend-in məlumatına əsasən, idmançımız 1/32 final mərhələsində Rumıniya təmsilçisi Simona Bançilaya 6:5 hesabı ilə qalib gəlib.
Onun 1/16 final mərhələsində rəqibi danimarkalı Maya Yaqer olacaq.
Görüş iyunun 21-i saat 10:31-də başlayacaq.
Azərbaycanın digər 2 oxatanı - Nurlanə Vəliyeva və Yaylagül Ramazanova isə növbəti mərhələyə keçə bilməyib.