Azərbaycan, Bakı, 24 iyun /Trend/
Ümumilikdə I Avropa Oyunlarında tamaşaçıların davamiyyəti yüksək səviyyədədir. Trend-in məlumatına əsasən, bu barədə "Bakı 2015" I Avropa Oyunları Əməliyyat Komitəsinin əməliyyatlar üzrə baş icraçı direktoru Saymon Kleq mətbuat konfransı zamanı deyib.
O bildirib ki, ötən gün müxtəlif 6 arenada keçirilən yarışları 17076 tamaşaçı izləyib.
S.Kleq qeyd edib ki, iyunun 23-də I Avropa Oyunları çərçivəsində 3x3 basketbol yarışları da daxil olmaqla, bir neçə idman növü üzrə ilk yarışlar başlayıb.
Direktor həmçinin bildirib ki, ötən gün I Avropa Oyunlarına bütün əlavə biletlər satılıb.