Azərbaycan, Bakı, 7 dekabr /Trend, müxbir M.Əliyev/
Bakıda Milli Parkda tikilən Xalça Muzeyi dekabrın 22-də istifadəyə veriləcək. Trend-in məlumatına görə, bunu Mədəniyyət və Turizm Nazirliyinin Aparatının rəhbəri Firudin Qurbanov jurnalistlərə bildirib.
Onun sözlərinə görə, muzey müasir dünya tələblərinə cavab verən texnoloji avadanlıqlarla təchiz olunub.
Qurbanov deyib ki, yeni Xalça Muzeyinin istifadəyə verilməsinin əsas məqsədi YUNESKO-nun mədəni irsi siyahısına düşən Azərbaycan xalçasının təbliğidir.
"Azərbaycan xalçasının dünya miqyasında xüsusi yeri var və biz bu muzey vasitəsilə xalçalarımızı nümayiş etdirəcəyik", - o deyib.
Aparat rəhbəri bildirib ki, burada ən qədim xalça növlərindən müasir xalçalara qədər nümayiş olunacaq.