...

Türkiyədə Dədə Qorquda həsr olunan festival keçirilib (FOTO)

Mədəniyyət Materials 8 İyul 2013 11:52 (UTC +04:00)
Ötən həftə Türkiyənin Bayburt və Ərzurum əyalətlərində “Kitabi Dədə Qorqud” dastanın qəhramanı Dədə Qorquda həsr olunan festival keçirilib.
Türkiyədə Dədə Qorquda həsr olunan festival keçirilib (FOTO)

Azərbaycan, Bakı, 8 iyul /Trend, müxbir A.Tağıyeva/

Ötən həftə Türkiyənin Bayburt və Ərzurum əyalətlərində "Kitabi Dədə Qorqud" dastanın qəhrəmanı Dədə Qorquda həsr olunan festival keçirilib. Trend-in məlumatına görə, festivalda Azərbaycandan təxminən 30-a yaxın jurnalist və turizm sahəsində çalışan işçilər iştirak edib.

Bayburt və Ərzuruma, o cümlədən digər türk dövlətlərindən, Gürcüstan və Moldovadan da qonaqlar gəlib.

Festival iştirakçıları Dədə Qorqudun Bayburt əyalətinin Masat kəndində yerləşən məzarını ziyarət ediblər. Sonra isə festival iştirakçıları Bayburt qalası, 12-ci əsrdə tikilən yeraltı tunel və şəhərin digər görməli yerləri də daxil olmaqla şəhərin tarixi abidələri ilə tanış edilib.

Bayburt səfərindən sonra festival iştirakçıları Ərzurum şəhərində də olublar. Burada onlar şəhərin yüksək turizm potensialı ilə tanış edilib. Burada əsasən, onlar "Universiada 2011"-ci il üçün tikilən ölkələrin idman kompleksləri ilə tanış olublar.

Azərbaycandan olan nümayəndə heyəti, o cümlədən Bayburt şəhərinin meri Həsən İpək və Bayburt əyalətindən Türkiyə parlamentinə deputat seçilən Binyəmin Özbəklə görüşlərdə keçirib.

Görüşdə qardaş ölkələr olan Azərbaycan və Türkiyə münasibətləri, Türk dünyasının birliyi və xüsusilə də Ərzurum və Bayburt əyalətləri olmaqla Türkiyənin Anadolu hissəsinin turizm potensialı məsələləri müzakirə olunub.

Məqalədə:
Xəbər lenti

Xəbər lenti