Bakı. Elçin Mehdiyev – Trend:
Azərbaycan ötən illər ərzində böyük uğurlara nail olub.
Trend-in məlumatına görə, bunu Baş nazir Artur Rasi-zadə Milli Məclisdə hökumətin hesabatını təqdim edərkən deyib.
A.Rasi-zadə bildirib ki, ölkədə aparılan düşünülmüş tədbirlər nəticəsində yoxsulluq 5.4 faizə enib, yaşama müddəti 72.4-dən 75.4-ə yüksəlib.
Baş nazir vurğulayıb ki, ölkənin strateji valyuta ehtiyatları 26.6 dəfə artaraq ötən ilin sonuna 42 milyard ABŞ dolları təşkil edib.
A.Rasi-zadə qeyd edib ki, sadalanan uğurların qazanılmasına ölkədə dayanıqlı ictimai-siyasi sabitliyin yaradılması, Prezidentin siyasətinin xalq tərəfindən dəstəklənməsi səbəb olub.