Bakı. Ceyhun Ələkbərov - Trend:
Bakıda cərrahiyyə əməliyyatından sonra komaya düşən xəstə ayılıb.
Trend-in məlumatına görə, Mirməmməd Cavadzadə adına Respublika Klinik Uroloji Xəstəxanasında 1962-ci il təvəllüdlü Akif Paşayev dünən səhər saatlarında prostatdan əməliyyat keçirib. Əməliyyat sonra o, komaya düşüb.
A.Paşayevin həkimi professor İsmət Fiqarovun Trend-ə verdiyi məlumata görə, xəstə artıq komadan ayılıb və vəziyyəti yaxşılığa doğru irəliləyir:
"Xəstə ötən gün səhər saat 10:00 radələrində əməliyyat olunub. Əməliyyat sonra belə hallar olur, ancaq A.Paşayev artıq özünə gəlib, vəziyyəti yaxşıdır, hətta yaxınları da yanındadır, sərbəst danışır. Bir neçə dəqiqə əvvəl isə onun təzyiqi yoxlanıldı, hər şey sabitdir".