Bakı. Samir Əli - Trend:
Noyabrın 28-i Şirvan Şəhər Mərkəzi Xəstəxanasına polis əməkdaşları küçəyə atılmış 8 aylığa uyğun qız uşağı gətiriblər.
Bu barədə Trend-ə Səhiyyə Nazirliyindən məlumat verilib.
Məlumatda bildirilir ki, körpə dərhal xəstəxananın doğum şöbəsinə yerləşdirilib və qidalandırılıb. Hazırda həkimlər uşağın vəziyyətini yaxşı kimi qiymətləndirirlər.
Faktla əlaqədar müvafiq qurumlara məlumat verilib.