...

Qanunsuz ov edənlər cəzalandırılıb

Gündəm Materials 31 Avqust 2021 09:23 (UTC +04:00)
Qanunsuz ov edənlər cəzalandırılıb

Bakı. Çingiz Səfərli - Trend:

Qanunsuz ov hallarının qarşısının alınması məqsədilə Dövlət Ekoloji Təhlükəsizlik Xidmətinin əməkdaşları tərəfindən keçirilən növbəti nəzarət tədbirləri zamanı Mahmudçala Ovçuluq Təsərrüfatının ərazisində qanunsuz ov edən şəxslər saxlanılıb.

Trend-in məlumatına görə, xidmət rəsmisi Bəhruz Məhəmmədov bildirib ki, araşdırma zamanı brakonyerlərin Biləsuvar rayon sakinləri Pərviz Abdullayev, Samir və Xalid Əzimovlar olduğu müəyyən edilib.

“Faktla bağlı qanun pozucuları barəsində qanunamüvafiq tədbirlər görülüb”.

B.Məhəmmədov onu da qeyd edib ki, qanunsuz balıq ovunun qarşısının alınması məqsədilə keçirilən nəzarət tədbirləri zamanı isə Şəmkir su anbarından, Kür çayından və Yuxarı Qarabağ kanalından ümumilikdə 640 metr uzunluğunda sintetik tor yığışdırılıb.

Twitter:@cingizsafarli

Xəbər lenti

Xəbər lenti