Bakı. Trend:
“Instagram” hesabınızın sındırıldığını düşünürsünüzsə, ilk baxacağınız yer e-poçt qutunuzdur.
“Instagram” hesabınızda qeydiyyatdan keçirilmiş e-poçt ünvanınızın dəyişdiyinə dair “Instagram” tərəfindən göndərilən bir məktub varsa, e-poçtdakı link vasitəsilə bu vəziyyətə dərhal etiraz edə bilərsiniz.
Əgər siz heç bir e-məktub almamısınızsa, lakin hesabınızın sındırıldığını düşünürsünüzsə, “Instagram”-a giriş səhifəsində "Şifrəni unutmusunuz?" düyməsini basaraq telefon nömrənizə giriş linki göndərmələrini xahiş edin. Sonra dərhal şifrənizi əvvəlki ilə heç bir əlaqəsi olmayan güclü şifrəyə dəyişdirin.
Nə etsəniz də hesabınıza yenidən giriş əldə edə bilmirsinizsə, son addım sındırılmış hesabınızı silməkdir. Bunun üçün “Instagram” ilə əlaqə saxlayın və öz şəxsiyyətinizi təsdiq edərək hesabın silinməsini tələb edin. Şəxsiyyətinizi uğurla təsdiqlədikdən sonra əməliyyatınız bir neçə gün ərzində həyata keçiriləcək.
“Instagram” hesabını bərpa etməzdən əvvəl nəzərə alınmalı olanlar
“Instagram” hesabının bərpası üçün müraciət edə biləcəyiniz müxtəlif üsullar olsa da, nədənsə daxil ola bilməyən hesabların bərpa oluna bilməməsi son dərəcə cansıxıcıdır. Buna görə hesabın bərpasını nəzərdən keçirməzdən əvvəl bəzi ehtiyat tədbirləri görərək hesabınızın təhlükəsizliyini təmin edə bilərsiniz.
Şifrənizi tez-tez unudursunuzsa, onu kiçik bir kağız parçasına yazıb cüzdanınızda saxlaya bilərsiniz.
Hesabınızın oğurlanması ehtimalını minimuma endirmək də sizin əlinizdədir. Digər sosial media hesablarınızdan fərqli unikal, güclü, uzun və mürəkkəb şifrə təyin etsəniz, hesabınız asanlıqla sındırılmayacaq. Həmçinin, ikifaktorlu autentifikasiya (doğrulama) hesabınızın oğurlanması ehtimalını faktiki olaraq aradan qaldıracaq.
Şifrənizi etibarsız proqramlar və vebsaytlarla paylaşmayın.