Bakı. Trend:
Kanadanın polad və alüminium idxalına 50 faizə qədər planlaşdırılan rüsum artımı bu həftə qüvvəyə minməyəcək.
Trend-in məlumatına görə, bu barədə ABŞ prezidentinin ticarət üzrə müşaviri Piter Navarro bildirib.
"Doğrudur", - deyə o, "CNBC News" telekanalının jurnalistinin Kanada üçün rüsum artımının təxirə salınması ilə bağlı sualını cavablandırıb.
P.Navarro qeyd edib ki, ABŞ-nin ticarət naziri Hovard Lutnik “bu məsələnin razılaşdırılmasında gözəl iş görüb”.