Bakı. Trend:
İranın nüvə problemi ilə bağlı Tehran və Vaşinqton arasında dolayı danışıqların növbəti raundu iyunun 15-də Omanda baş tutacaq.
Trend-in məlumatına görə, bu barədə İran Xarici İşlər Nazirliyi xəbər verib.
"Keçirilən məsləhətləşmələrə əsasən, İran və ABŞ arasında dolayı danışıqların növbəti raundunun gələn bazar günü Maskatda keçirilməsi planlaşdırılır", - deyə nazirliyin nümayəndəsi İsmayıl Bəqai bildirib.
İran Xarici İşlər Nazirliyinin Telegram-kanalındakı paylaşıma əsasən, qurumun rəhbəri Abbas Əraqçi iyunun 11-12-də Osloda keçiriləcək konfransda iştirak etmək üçün Norveçə səfər edəcək.