Azərbaycan, Bakı/ Trend müxbir K.Zərbaliyeva/ Bakının Binəqədi rayonundakı mənzillərin birində çərşənbə axşamı güclü partlayış baş verib.
Binəqədi rayonundakı 7-ci mikrorayon, Dairəvi küçəsi ev 66, mənzil 34 ünvanında Valentina Əyyubovanın mənzilindəki partlayışa təbii qazın sızması səbəb olub. Daxili İşlər Nazirliyindən Trend ə bildirilib ki, partlayışdan mənzilin pəncərə çərçivələri yerindən çıxıb, ev əşyaları qismən yanıb.
Partlayışdan sonra mənzildə yanğın olub. Yanıq xəsarəti almış Əyyubova və qızı Natəvan isə xəstəxanaya yerləşdiriliblər.
Faktla bağlı hüquq-mühafizə orqanları araşdırma aparır.