Azərbaycan, Bakı, 13 aprel /Trend/
Bakıda Türkiyə vətəndaşını soyan şəxslər yaxalanıb. Trend-in Daxili İşlər Nazirliyinə istinadən verdiyi məlumata görə, aprelin 11-i saat 23:45 radələrində A.Nemətulla küçəsində yerləşən kafedə Türkiyə vətəndaşı Nebi Şimşekin cibindən içərisində 90 manat olan pul kisəsini oğurladıqlarına görə Bakı şəhər sakinləri - əvvəllər məhkum olunmuş Bəxtiyar Orucov və Namiq İsmayılov Nərimanov rayon Polis İdarəsi PPXB-nin əməkdaşları tərəfindən yaxalanaraq aidiyyəti üzrə 17-ci Polis Bölməsinə təhvil veriliblər.