Azərbaycan, Bakı, 9 may /Trend, müxbir K.Zərbalıyeva/
Gəncə şəhər sakini əmisi oğlunu döyüb öldürdü.
Daxili İşlər Nazirliyinin mətbuat xidmətindən Trend-ə verilən məlumata görə, mayın 7-də saat 00:20 radələrində Gəncədə şəhər sakini, əvvəllər məhkum olunmuş Rəşad Məmmədov əmisi oğlu Siyavuş Məmmədovu döyərək öldürüb.
Nizami (Gəncə) rayon polis şöbəsinin əməkdaşlarının həyata keçirdikləri əməliyyat-axtarış tədbirləri nəticəsində Rəşad Məmmədov tutulub.
Faktla bağlı Cinayət Məcəlləsinin qəsdən adam öldürmə (120-ci) maddəsi ilə cinayət işi başlanıb.