Azərbaycan, Bakı, 20 noyabr /Trend/
(Yaralananlar haqqında məlumat dəqiqləşdirilib)
Qahirədə şənbə günü polislə etirazçılar arasında baş verən toqquşmalarda bir nəfər həlak olub, 1000 nəfər yaralanıb. Bu barədə Trend xarici KİV-lərə istinadən məlumat verir.
Bundan başqa, İsgəndəriyyə şəhərində iki nümayişçinin həlak olması bildirilir.
Qarşıdurmalar şənbə günü Qahirənin Təhrir meydanında hakimiyyət hərbçilərdən alınaraq mülki hökümətə verilməsini tələb edən nümayişçilərin oturaq etiraz aksiyasının polis tərəfindən dağıdılmasından sonra başlayıb.
Polis etirazçılara qarşı rezin güllələrini və gözyaşardıcı qazı istifadə edib. Polisin odlu silahlardan da istifadə etməsi bildirilir.