Azərbaycan, Bakı, 26 fevral /Trend, müxbir E.Mehdiyev/
Fevralın 25-də Ağdaş rayonu, Yuxarı Neymətabad kəndində (rayon mərkəzindən 18 km aralı) vətəndaşa məxsus "Mercedes" markalı minik avtomobili idarəetməni itirərək yolun kənarına aşıb.
Trend-in FHN-nin rəsmi saytına istinadən verdiyi məlumata görə, nəticədə avtomobilin sürücüsü S.Sultanzadə xilasedicilər hadisə yerinə çatana qədər təcili yardım xidməti tərəfindən Ağdaş rayonu mərkəzi xəstəxanasına aparılıb.
Avtomobildə olan sərnişin 1987-ci il təvəllüdlü İsmayılov İsmayıl Füzuli oğlu aldığı bədən xəsarətlərindən hadisə yerində vəfat edib.
Meyit xilasedicilər tərəfindən aidiyyəti qurumlara təhvil verilib.