Azərbaycan, Bakı, 4 iyul /Trend, müxbir İ.İzzət/
Binəqədi rayonunda ər arvadını qətlə yetirib.
Binəqədi Rayon Prokurorluğundan Trend-ə verilən məlumata görə, hadisə 28 May qəsəbəsi, ev-54 ünvanında qeydə alınıb. 1962-ci il təvəllüdlü Babagül Məmmədəliyev ailə münaqişəsi zəminində həyat yoldaşı, 1961-ci il təvəllüdlü Xalidə Məmmədəliyevanı bıçaqlayaraq qətlə yetirib.
Hadisəni törədən Məmmədəliyev şübhəli qismində tutularaq saxlanıb.
Faktla əlaqədar Cinayət Məcəlləsinin 120.1-ci (Qəsdən adam öldürmə, yəni digər şəxsi qəsdən həyatdan məhrum etmə) maddəsi ilə cinayət işi başlanıb.