Azərbaycan, Bakı, 13 dekabr /Trend, müxbir İ.İzzət/
Bakıda iki həftə əvvəl 3 nəfərə bıçaqla xəsarət yetirmiş şəxslər tutulub.
Bakı şəhər Baş Polis İdarəsinin mətbuat xidmətindən Trend-ə verilən məlumata görə, noyabrın 30-u saat 22:00 radələrində S.Əliyev küçəsində naməlum şəxslər xuliqanlıq zəminində Əli Babayevə, oğlu Rüzgara və qohumu Nicat Babayevə bıçaqla xəsarətlər yetiriblər.
Suraxanı Rayon Polis İdarəsinin 31-ci Polis Bölməsinin keçirdiyi əməliyyat tədbiri nəticəsində hadisədə şübhəli bilinən Bakı şəhər sakinləri - Eynulla Mustafayev və Arif Əliyev tutulublar.
Faktla əlaqədar cinayət işi açılıb, araşdırma aparılır.