...

Avtomobilinin qaçırıldığını bildirən şəxsin yalanı üzə çıxdı

Hadisə Materials 20 Mart 2014 14:35
Avtomobilinin qaçırılması barədə polisə yalan məlumat vermiş Şamaxı sakininin yol-nəqliyyat hadisəsi törətməsi müəyyən edilib.
Avtomobilinin qaçırıldığını bildirən şəxsin yalanı üzə çıxdı

Trend-i buradan izləyin

Azərbaycan, Bakı, 20 mart /Trend/

Avtomobilinin qaçırılması barədə polisə yalan məlumat vermiş Şamaxı sakininin yol-nəqliyyat hadisəsi törətməsi müəyyən edilib.

Trend-in Daxili İşlər Nazirliyinin rəsmi saytına istinadən verdiyi məlumata görə, martın 19-da Şamaxı rayon sakini Allahyar Qurbanov Nəsimi RPİ 19-cu PB-yə ərizə ilə müraciət edərək həmin gün Moskva prospektindən "VAZ-2107" markalı avtomobilinin qaçırılmasını bildirib.

Avtomobil həmin gün DİN BDYPİ əməkdaşları tərəfindən Bakı-Şamaxı yolunun 12-ci km-də tapılıb.

Araşdırmalar zamanı martın 19-da Bakı-Şamaxı yolunun 10-cu km-də A.Qurbanovun idarə etdiyi "VAZ-2107" markalı avtomobillə Bakı şəhər sakinləri Təzəgül Vəliyevanı və onun qızı Ayşəni vuraraq hadisə yerindən qaçması və avtomobilinin qaçırılması barədə polisə yalan məlumat verməsi müəyyən edilib.

Məqalədə:
Xəbər lenti

Xəbər lenti