Azərbaycan, Bakı, 24 iyun /Trend/
İraqda silahlı münaqişənin 17 günü ərzində "İraq və Şam İslam Dövləti" qruplaşmasının yaraqlıları ilə toqquşmalarda mindən artq dinc sakin ölüb.
Trend-in İTAR-TASS-a istinadən verdiyi məlumata əsasən, bunu jurnalistlərə BMT-nin İnsan haqları üzrə Ali komissarının İdarəsinin mətbuat katibi Rupert Kolvill deyib.
Onun sözlərinə görə, iyunun 5-22 aralığında Neynəva, Diyalə, Səlahəddin vilayətlərində ən azı 757 vətəndaş öldürülüb və 599-u yaralanıb: "Bundan başqa, bu dövr ərzində Bağdadda və paytaxtın cənub rayonlarında ən azı 318 nəfər ölüb və 590 nəfər yaralanıb".