Azərbaycan, Bakı, 28 aprel /Trend, müxbir İlhamə İsabalayeva/
Bakıda kirayədə yaşayan 30 yaşlı Ağdaş sakini həyat yoldaşını qətlə yetirib.
Bakı Şəhər Baş Polis İdarəsindən Trend-ə verilən məlumata görə, aprelin 28-də saat 03:45 radələrində Zabrat qəsəbəsi X.Vəliyev küçəsində yerləşən evdə kirayədə yaşayan Ağdaş rayon sakini 1985-ci il təvəllüdlü Vüsal Niyazi oğlu Musayev qısqanclıq zəminində arvadı Zakirə Məmmədovanı bıçaqla qətlə yetirib.
V.Musayev Sabunçu Rayon Polis İdarəsinin əməkdaşlarının keçirdiyi əməliyyat-axtarış tədbiləri nəticəsində şübhəli bilinərək saxlanılıb.