Azərbaycan, Bakı, 8 sentyabr /Trend, müxbir İlkin İzzət/
Pirallahıda gündüz saatlarında qızıl mağazasını soyub talayıblar.
Bakı şəhər Baş Polis İdarəsindən (BŞBPİ) Trend-ə verilən məlumata görə, sentyabrın 7-də saat 16:30 radələrində "Laçın" mağazasında Nərminə Cəlilovanın qızıl satışı şöbəsindən bir çüt qızıl sırğa soyğunçuluq yolu ilə talanılıb.
Pirallahı RPŞ əməkdaşlarının keçirdikləri əməliyyat-axtarış tədbirləri nəticəsində, hadisəni törətməkdə şübhəli bilinən Ağdam rayon sakini, əvvəllər məhkum olunan, 1972-ci il təvəllüdlü Zahid Tofiq oğlu Qarayev tutulub.
Faktla bağlı Cinayət Məcəlləsinin 180-ci maddəsi ilə cinayət işi başlanılıb.