Bakı. Trend:
Meksikanın Kadereyta şəhərindəki həbsxanada baş verən qiyam zamanı azı 13 nəfər ölüb.
Trend-in məlumatına görə, daha 8 məhbusun vəziyyəti ağırdır.
Daha öncə bir nəfərin öldüyü bildirilirdi.
Qeyd olunur ki, qiyam edən məhbuslar 3 mühafizəçini girov tutublar və uzun bir müddət ərzində onların azadlığa buraxılması barədə danışıqlar aparıblar, lakin bu nəticəsiz olub. Bundan sonra polis məhbuslara qarşı güc tətbiq etmək qərarına gəlib.