İlk xəbər saat 11:23-də yayımlanıb
Bakı. Trend:
İntiharçı-terrorçu Somali paytaxtı Moqadişoda Polis Akademiyasına hücumu nəticəsində öllənlərin sayı artmaqdadır. Trend-in məlumatına görə, təcili tibbi yardımın həkimi akademiyadan 13 nəfərin cəsədinin çıxarıldığını, daha 15 nəfərin isə yaralandığını deyib.
Hücumla bağlı məsuliyyəti ölkədə fəaliyyət göstərən "Əş-Şəbəb" radikal qruplaşması öz üzərinə götürüb.
X X X
İntiharçı-terrorçu Somali paytaxtı Moqadişoda Polis Akademiyasına hücum edib. Trend-in məlumatına görə, hücum nəticəsində azı 3 nəfərin həlak olduğu bildirilir.
Məlumata görə, intiharçı-terrorçu təhsil müəssisəsinə daxil olaraq partlayıçı qurğunu işə salıb.
Ölkə ərazisində mövcud olan terror qruplaşmalarından hələ heç biri insidentlə bağlı məsuliyyəti öz üzərinə götürməyib.
Hadisə ilə bağlı araşdırmalar başlayıb.