...

Banklardan külli miqdarda pul oğurlayan beynəlxalq kibercinayətkar Azərbaycana ekstradisiya olunub

Hadisə Materials 30 Dekabr 2017 15:13 (UTC +04:00)
Banklardan külli miqdarda pul oğurlayan beynəlxalq kibercinayətkar qrupun üzvü Azərbaycana ekstradisiya olunub.
Banklardan külli miqdarda pul oğurlayan beynəlxalq kibercinayətkar Azərbaycana ekstradisiya olunub

Bakı. Trend:

Banklardan külli miqdarda pul oğurlayan beynəlxalq kibercinayətkar qrupun üzvü Azərbaycana ekstradisiya olunub.

Dövlət Təhlükəsizliyi Xidmətindən Trend-ə verilən məlumata görə, Azərbaycandan kənarda fəaliyyət göstərən mütəşəkkil kibercinayətkar qrup tərəfindən ölkə banklarının kompüter sisteminə internet şəbəkəsi vasitəsilə qanunsuz müdaxilə edilməsi, pul vəsaitlərinin köçürülməsi, bankomatlardan təmassız pul çıxarılması və sair əməliyyatlarla ümumilikdə 3 milyon manatdan artıq vəsaitin oğurlanması faktı üzrə Azərbaycan Respublikası Dövlət Təhlükəsizliyi Xidmətində başlanılan cinayət işi üzrə istintaq-əməliyyat tədbirləri davam edir.

Cinayət Məcəlləsinin 177.3.2 və 273.4-cü maddələri ilə aparılan cinayət işi üzrə ifşa edilmiş beynəlxalq kibercinayətkar qrupun üzvü, xarici ölkə vətəndaşı Petroviçi Sergey Aksentiyeviç beynəlxalq axtarış üzrə məhkəmə prosesləri nəticəsində saxlanılaraq 2017-ci il dekabrın 30-da Azərbaycana ekstradisiya edilib.

Hazırda istintaq-əməliyyat tədbirləri davam etdirilir.

Kommersiya banklarına qarşı analoji kiberhücumların baş verdiyi tərəfdaş dövlətlərin hüquq mühafizə orqanlarına müəyyən edilən faktlarla bağlı zəruri hüquqi yardım göstərilir.

Məqalədə:
Xəbər lenti

Xəbər lenti