...

Yasamal qəbiristanlığındakı yanğın söndürüldü (ƏLAVƏ OLUNUB) (FOTO)

Hadisə Materials 8 İyun 2020 16:40 (UTC +04:00)
Yasamal qəbiristanlığındakı yanğın söndürüldü (ƏLAVƏ OLUNUB) (FOTO)

Bakı. Ceyhun Ələkbərov - Trend:

Yasamal qəbiristanlığında baş verən yanğın söndürülüb.

Fövqəladə Hallar Nazirliyindən Trend-ə verilən məlumata görə, Bakı şəhərinin Yasamal rayonunda qəbiristanlıq ərazisində baş vermiş yanğın yanğından mühafizə bölmələri tərəfindən söndürülüb.

X X X

14:58

Bakı şəhərinin Yasamal rayonunda qəbiristanlıq ərazisində baş verən yanğının qarşısı alınır.

Trend-in əməkdaşının verdiyi məlumata görə, hadisə yerinə 2 yanğınsöndürmə maşını cəlb olunub və ərazinin böyük bir hissəsində yanğının qarşısı alınıb.

Yanğının tam söndürülməsi üçün işlər davam edir.

X X X

İlk xəbər saat 14:11

Bakı şəhərinin Yasamal rayonunda qəbiristanlıq ərazisində quru ot və kol-kos yanır.

Fövqəladə Hallar Nazirliyindən Trend-ə verilən məlumata görə, Dövlət Yanğından Mühafizə Xidmətinin yanğınsöndürmə qüvvələri hadisə yerinə cəlb olunub. Hazırda yanğınsöndürmə işləri aparılır.

Əlavə məlumat veriləcək.

Məqalədə:
Xəbər lenti

Xəbər lenti