Bakı.Trend:
Kürdəmir rayonu, Atakişili kəndi ərazisində avtomobildə yanğın olub.
Fövqəladə Hallar Nazirliyindən Trend-ə bildirilib ki, FHN-in Dövlət Yanğından Mühafizə Xidməti Kürdəmir rayon Yanğından Mühafizə Hissəsinin qüvvələri dərhal əraziyə cəlb olunub.
Yanğınsöndürənlərin çevik müdaxiləsi sayəsində “Hyundai” markalı minik avtomobilinin mühərrik hissəsində baş vermiş yanğın digər hissələrinə keçməsinə imkan verilmədən qısa müddətdə söndürülüb.
Yanğın nəticəsində avtomobilin mühərrik hissəsi yanıb.
Avtomobilin böyük hissəsi yanğından mühafizə olunub.