Cəbrayıl. Trend:
Cəbrayılda baş verən yanğın hadisəsini FHN-nin Qarabağ Regional Mərkəzi təsdiqləyib.
Mərkəzdən Trend-in yerli müxbirinə bildirilib ki, baş vermiş yanğın hadisəsi barədə aidiyyatı üzrə nümayəndəliyə məlumat verilib. Ərazidə fəaliyyət göstərən tikinti şirkətlərindən köməyə ehtiyyat su maşınları və texnikaları cəlb olunaraq yanğının söndürülməsi üçün işlər aparılır.
Hazırda yanğın davam edir
xxx
21:07
Cəbrayıl rayonunda boş ərazidə güclü yanğın baş verib.
Trend-in Qarabağ müxbirinin əldə etdiyi məlumata görə, yanğın hadisəsi rayonun Şükürbəyli kəndi ərazisində baş verib. Hadisə yerinə FHN-nin Cəbrayıl, Qubadlı, Zəngilan və Füzuli rayon yanğınsöndürən əməkdaşları texnika və yanğınsöndürən avtomobilləri ilə cəlb edilib.
Hazırda yanğınsöndürənlər yanğının qarşısını almağa çalışır.
Faktla bağlı araşdırma başlanıb yanğının baş vermə səbəbi araşdırılır.
