Bakı. Trend:
Mayın 21-də Çxonjin şəhərindəki gəmiqayırma zavodunda Şimali Koreya lideri Kim Çen Inın iştirakı ilə 5 min tonluq yeni esminesin buraxılış mərasimi zamanı qəza baş verib.
Trend-in məlumatına görə, bu barədə Koreya Mərkəzi Teleqraf Agentliyi xəbər verib.
"Esminesin su buraxılması zamanı ağır qəza baş verib", - deyə agentlik bildirib.
Bildirilib ki, “bacarıqsız rəhbərlik və idarəetmədə ehtiyatsızlıq ucbatından” esminesin arxa hissəsi vaxtından əvvəl bələdçilərdən çıxıb və gəmi quruya çıxıb. Bundan əlavə, gəminin dibinin hissələri zədələnib.
Kim Çen In mərasimdə iştirak edib və hadisəni “qeyri-mümkün və qəbuledilməz ciddi və böyük qəza” adlandırıb.
Onun sözlərinə görə, bu epizoda partiyanın Mərkəzi Komitəsinin iyunda keçiriləcək plenumunda baxılacaq.