Bakı. Trend:
Ağdərə rayonunda mina hadisəsi baş verib
Trend xəbər verir ki, bu barədə Azərbaycan Respublikası Daxili
İşlər Nazirliyi, Baş Prokurorluğu və Minatəmizləmə Agentliyinin
(ANAMA) Mətbuat Xidmətlərinin məlumatında qeyd olunub.
Bildirilib ki, 1970-ci il təvəllüdlü kənd sakini Pənahəliyev
Nazim Kamran oğlu minalardan təmizlənməmiş ərazidə mal-qara
otararkən piyada əleyhinə mina partlayışı nəticəsində sağ ayağından
xəsarət alıb.
Xəsarət alan şəxs rayon xəstəxanasına təxliyə edilib.
Faktla bağlı Tərtər rayon prokurorluğunda araşdırma aparılır.
"ANAMA, DİN və Baş Prokurorluq bir daha vətəndaşları təhlükəsizlik qaydalarına riayət etməyə, mina təhlükəsi işarələrinin göstəricilərinə diqqətlə yanaşmağa və bələd olmadıqları ərazilərə daxil olmamağa çağırır!", - məlumatda qeyd olunub.