Bakı. Trend:
Ermənistan Silahlı Qüvvələrinin bölmələri Tərtər şəhərini və ətraf kəndləri atəşə tutublar.
Bu barədə Trend-ə Müdafiə Nazirliyinin Mətbuat xidmətinin rəhbəri Vaqif Dərgahlı məlumat verib.
"Təxminən 23:30-dan etibarən erməni qoşunları Tərtər şəhərini və ətraf kəndləri atəşə tutub", deyə Dərgahlı bildirib.
Onun sözlərinə görə, ermənilər Tərtər şəhərini "Qrad" qurğuları, D-30 tipli haubitsalar və minaatanlardan istifadə etməklə atəşə tutur.
O həmçinin qeyd edib ki, ermənilər dinc əhalini atəşə tutur, Azərbaycan ordusu isə düşmənin qoşun hissələrinə zərbələr vurur.