"ATƏT-in Minsk qrupu həmsədrləri Dağlıq Qarabağ münaqişəsinin nizama salınması çərçivəsində Bakıda aparılacaq danışıqlar zamanı Azərbaycan rəhbərliyi ilə razılaşdırılmamış 3 məsələni müzakirə edəcək". Trend in ATV telekanalına istinadən xəbər verdiyi kimi, bu barədə jurnalistlərə ATƏT-in Minsk qrupunun rusiyalı həmsədri Yuri Merzlyakov məlumat verib.
"Səfərdə əsas məqsədlərdən biri bu məsələlərlə bağlı razılığa gəlməkdir. Görüşlər ərəfəsində hər hansı bəyanat vermək isə düzgün olmazdı", - deyə o qeyd edib.
Danışıqların gündəliyinə Azərbaycan və Ermənistan prezidentlərinin Azərbaycan-Ermənistan Dağlıq Qarabağ münaqişəsinin həlli üzrə fevralın 10-11-də Parisdə keçiriləcək görüşünə hazırlıqla bağlı məsələlər daxildir.
Fevralın 2-də həmsədrlər Yerevana yola düşəcək.
Səfər çərçivəsində Azərbaycanın işğal olunmuş ərazilərinə baş çəkmək nəzərdə tutulmayb.
Trend-in ən mühüm və maraqlı xəbərlərini "Telegram"da izləyin
