Azərbaycan, Bakı, 04 fevral / Trend , müxbr Q.Cəbiyev/ Azərbaycanın Mərkəzi Seçki Komissiyası (MSK) müxalif Müsavat Partiyasını qanunlar çərçivəsində davranmağa çağırıb. "Qanunda hansı formada davranış qaydaları yer alıbsa, qanunbütün partiyalar, o jümlədən Müsavat üçün əsas olmalıdır", bazar ertəsi Trend ə MSK katibi Natiq Məmmədov bildirib.
Müxalifətdə olan Müsavat Partiyası MSK-nın formalaşmasından imtina edərək, partiya üçün nəzərdə tutulan yerə nümayəndə göndərməkdən imtina edir. Partiyanın başqanı İsa Qəmbər bu günlərdə yenidən bəyanat verərək bildirib ki, seçki komissiyalarının paritet əsasda təşkili barədə qərar olmayana qədər, Müsavat MSK-ya nümayəndə göndərməyəcək. Parlamentdə təmsil olunan partiya isə MSK-da nümayəndəsi ilə təmsil olunmalıdır.
Məmmədovun sözlərinə görə, qanunda göstərilib ki, parlamentdə təmsil olunan partiyalar komissiyaya namizədlərini təqdim etməlidir. "Orada göstərilməyib ki, partiya bunu şərt daxilində etməlidir. Bu, bir o qədər də sevindirici hal deyil. Söhbət diktədən gedirsə, qanunda hər hansı şərt yoxdur" MSK katibi əlavə edib. Onun sözlərinə görə, Müsavat Partiyasının nümayəndə göndərməməsi MSK-nın işinə hər hansı mənfi təsir göstərməyəcək. "Kollegial orqanlar, o cümlədən Mərkəzi Seçki Komissiyası üçün kvorum olanda səlahiyyətli olur" Məmmədov vurğulayıb.
MSK-nın 18 üzvündən 16-sı fəaliyyət göstərir.
