...

Azərbaycanın aparıcı müxalifət partiyasında prezident seçkisində iştirakın tərəfdarları artır

Siyasət Materials 22 İyul 2008 16:52 (UTC +04:00)

Azərbaycan, Bakı, 22 iyul/ Trend , müxbir E.Babayev/ Azərbaycanın müxalif Müsavat partiyasında builki prezident seçkisində iştirakın tərəfdarları artır. "Mən partiyanın istənilən şəraitdə seçkidə iştirakının tərəfdarıyam. Bu gün də həmin fikirdəyəm. Doğrudur, Seçki Məcəlləsinə mürtəce dəyişikliklər edilib və bu baxımdan, seçkinin demokratik keçiriləcəyinə ümid azdır",- deyə Müsavat partiyasının Məclis üzvü Vurğun Əyyub çərşənbə axşamı Trend -a bildirib.

Trend -un arayışı: Azərbaycanda prezident seçkisinin oktyabrın 15-də keçirilməsi nəzərdə tutulur. Müsavat partiyası 2007-ci ilin dekabrında 2008-ci il prezident seçkisində iştirak barədə qərar qəbul edib. Seçki Məcəlləsinə olunan əlavə və dəyişikliklərdən sonra partiyanın seçkidə iştirak etməsi ilə bağlı yerli strukturlarda müzakirələr başlayıb. Müzakirələr yekunlaşmaq üzrədir və avqustun 2 - də seçkidə iştirakla bağlı yekun qərar qəbul olunacaq.

Əyyubun sözlərinə görə, belə bir şəraitdə seçkini boykot etməyin tərəfdarı olmalı idi və yalnız bircə arqument onu boykotun əleyhinə çıxış etməyə təhrik edir. "Belə ki, Azərbaycan hakimiyyəti heç bir halda Müsavatın seçkidə iştirak etməyini istəmir. Seçki Məcəlləsinin əvvəlki variantı onsuz da sekçinin tam demokratik keçirilməsinə imkan vermirdi. Buna baxmayaraq, Müsavat hələ ötən ilin dekabrından seçkidə iştirak qərarı vermişdi. Bu baxımdan hakimiyyət maraqlı olmalıydı ki, Seçki Məcəlləsində mənfi istiqamətdə hər hansı dəyişiklik etməsin. Amma bu edildi və açıq-aydın göründü ki, Azərbaycan hakimiyyəti Müsavatn prezident seçkisində iştirakını istəmir",- deyə o bildirib.

Məqalə müəllifi ilə əlaqə saxlamaq üçün ünvan: [email protected]

Xəbər lenti

Xəbər lenti